Իրանի դեմ ԱՄՆ եւ Իսրայելի ռազմական գործողությունը սկզբից եւեթ հաշվարկված էր հինգ օր, սակայն ժամկետները կարող են փոխվել։ Այս մասին տեղեկացրել է Axios պորտալը՝ հղում կատարելով ԱՄՆ նախագահ Դոնալդ Թրամփին, ինչպես նաեւ Վաշինգտոնի վարչակազմի՝ անունը չնշած ներկայացուցչին։
Պաշտոնյայի տվյալներով՝ ԱՄՆ եւ Իսրայելի ծրագրերը նախատեսում են զանգվածային գործողություն՝ առնվազն հինգ օրվա ընթացքում հարվածներ հասցնելով։ Ընդ որում, Թրամփի խոսքով, որը մեջբերել է պորտալը, ժամկետները կարող են փոխվել՝ կախված իրավիճակի զարգացումից։ Մասնավորապես, դրա վրա կարող է ազդել իսլամական հանրապետության գերագույն առաջնորդ, այաթոլա Ալի Խամենեիի ճակատագիրը։
