Թուրքիայի արևելքում գտնվող Սիվերեկ քաղաքում (Շանլըուրֆա նահանգ) դպրոցի վրա զինված հարձակում է տեղի ունեցել:
DHA և İHA լրատվական գործակալությունների փոխանցմամբ՝ հարձակվողը վիրավորել և պատանդ է վերցրել մի քանի աշակերտների։
Haber Turk-ի փոխանցմամբ՝ հարձակումն իրականացրել է մի երիտասարդ։ Թերթի տվյալներով՝ դպրոցի ներսում կրակոցներ են հնչել։
Աշակերտների մեծ մասը տարհանվել է։
Milliyet-ի փոխանցմամբ՝ վիրավորներից մի քանիսը պատուհաններից դուրս են ցատկել՝ փորձելով փախչել։
Տարածք են ուղարկվել բժիշկներ, ոստիկանություն և այլ հատուկ նշանակության ուժեր։ Gazete Oksijen-ի փոխանցմամբ՝ անվտանգության ուժերը փորձել են համոզել հարձակվողին հանձնվել, բայց նա հրաժարվել է։ Կրակողը փախել է դպրոցի շենք, որը շրջափակված է։
Ականատեսը NTV-ին ասել է, որ հարձակվողը 17-18 տարեկան դեռահաս է եղել։ Նրա խոսքով՝ նա ավագ դպրոցի տարածք է մտել երկարափող զենքով։
«Սկզբում նա պատահական կրակ է բացել բակում, ապա սկսել է կրակել անմիջապես դպրոցի ներսում»,- հրատարակությանը հայտնել է աղբյուրը։
