Այսօր՝ փետրվարի 27-ին, ճանապարհի մերկասառույցի պատճառով խոշոր ավտովթար է տեղի ունեցել Կոտայքի մարզում։ Ժամը 17։40-ի սահմաններում Չարենցավան քաղաքի սկզբնամասում բախվել են «Ford Transit» և «Honda Accord» մակնիշի ավտոմեքենաները։
Shamshyan.com-ի հաղորդմամբ՝ վթարի հետևանքով 2 հոգի, որոնց առաջինը օգնության են հասել քաղաքացիները, ապա, ըստ քաղաքացիների հայտնածի, օպերատիվ ժամանած Չարենցավանի հիվանդանոցի շտապօգնության բժիշկների հերթապահ խումբը, տեղափոխվել են Չարենցավանի բժշկական կենտրոն։
Բախման հետևանքով «Ford Transit»-ը դուրս է եկել երթևեկելի գոտուց և կողաշրջվել, իսկ «Honda Accord»-ը բախվել է երկաթե արգելապատնեշին և մասամբ հայտնվել ճանապարհի երթևեկելի գոտում։
Վթարի փաստով քննչական բաժնում նախաձեռնվել է քրեական վարույթ, որտեղ պարզվում են ավտոմեքենաների սեփականատերերի, վարորդների և վիրավորների ինքնությունը։
