Բրյուսելի օդանավակայանում Scandinavian Airlines-ի ուղևորատար ինքնաթիռը ստիպված է եղել արտակարգ վայրէջք կատարել, քանի որ օդաչուները սխալմամբ փորձել են թռիչք կատարել ղեկային ուղուց, այլ ոչ թե թռիչքուղուց, գրում է Daily Mail-ը:
Ինքնաթիռը մինչև մոտ 200 կմ/ժ (124 մղոն/ժ) արագություն է բացել է, որից հետո անձնակազմը կտրուկ արգելակել է։ Արդյունքում ինքնաթիռը մայթից մասամբ սահել է խոտին, իսկ արգելակային համակարգը գերտաքացել է։ Ուղևորների և անձնակազմի շրջանում վիրավորներ չկան։
Ականատեսները պատմել են, որ միջադեպի պահին օդանավակայանը գործում էր մեծ ծանրաբեռնվածությամբ՝ ձյան տեղումների և չվերթների ուշացումների պատճառով։ Ուղևորներից մեկի խոսքով՝ ինքնաթիռն արագացում է հավաքել այնպես, կարծես սովորական թռիչք լիներ, բայց հետո հանկարծակի արգելակել է՝ խուճապ առաջացնելով սրահում։
Արտակարգ ծառայությունները արագ ժամանել են դեպքի վայր։ Օդաչուն ուղևորներին հայտնել է, որ տասնամյակների իր ծառայության ընթացքում երբեք նման իրավիճակի չի հանդիպել, ինչը ենթադրում է, որ պատճառը կարող էր լինել օդային երթևեկության կառավարման հետ կապի սխալը։
SAS-ը հաստատել է միջադեպը՝ այն անվանելով արտակարգ իրավիճակ, և նշել, որ բոլոր ուղևորները տարհանվել են և տեղափոխվել այլընտրանքային չվերթների: Ավիաընկերությունն իշխանությունների հետ համատեղ ներքին հետաքննություն է անցկացնում:վ
