Իրանը վերացնում է միջազգային համացանցին հասանելիության բոլոր սահմանափակումները, հաղորդել է ТАСС-ը՝ հղում անելով իրանական դիվանագիտական աղբյուրի։
«Ոչ միայն վերացվել են ազգային համացանցային հարթակի բոլոր սահմանափակումները բոլոր ոլորտներում, այլև միջազգային համացանցային սահմանափակումները նույնպես աստիճանաբար վերացվում են՝ սկսած հունվարի 19-ից», — ասել է գործակալության աղբյուրը:
Նա նշել է, որ Իրանի նախագահ Մասուդ Փեզեշքիանը համապատասխան մարմիններին ուղղված նամակում պահանջել է վերացնել բոլոր սահմանափակումները՝ համացանցային շուկան վերակենդանացնելու և միջազգային համացանցին հանրային հասանելիությունն ապահովելու համար, և այս գործընթացն այժմ ընթացքի մեջ է:
