Անգլիական «Մանչեսթեր Սիթին» հաջողություն է մաղթել բելգիացի կիսապաշտպան Կեւին Դե Բրույնեին, որը հունիսի 12-ին պայմանագիր է կնքել Իտալիայի չեմպիոն «Նապոլիի» հետ։ Դե Բրույնեն նախորդ տասնամյակն անցկացրել է «Մանչեսթեր Սիթիում»։
«Դե Բրույնեն տեղափոխվում է «Նապոլի»՝ ավարտելով անհավանական հաջող տասնամյակը «Մանչեսթեր Սիթիում»։
2015 թվականին «Վոլֆսբուրգից» տեղափոխված Դե Բրույնեն «Մանչեսթեր Սիթիին» օգնել է նվաճել 19 խոշոր տիտղոս, այդ թվում Պրեմիեր լիգայի 6 տիտղոս, ակումբի պատմության մեջ առաջին գավաթը Չեմպիոնների լիգայում, նաեւ Եվրոպայի սուպերգավաթան ու աշխարհի ակումբային առաջնության տիտղոսը։
Ամբողջ «Մանչեսթեր Սիթին» Կեւինին մաղթում հաջողություն կարիերայի նոր փուլում»,- նշվում է «Մանչեսթեր Սիթիի» հաղորդագրությունում։
Դե Բրույնեն ազատ գործակալի կարգավիճակում էր հեռացել «Մանչեսթեր Սիթիից» եւ անվճար միացել «Նապոլիին»։
