«Եվրատեսիլ 2025»-ի Հայաստանի ներկայացուցիչ Պարգը Survivor երգով հաղթահարեց մրցույթի երկրորդ կիսաեզրափակիչն՝ անցնելով եզրափակիչ փուլ։ Մրցույթը տեղի ունեցավ մայիսի 15-ին Շվեյցարիայի Բազել քաղաքի St. Jacobshalle արենայում:
Հայաստանից բացի եզրափակիչ փուլ անցան նաև Լիտվան, Իսրայելը, Դանիան, Ավստրիան, Լյուքսեմբուրգը, Ֆինլանդիան, Լատվիան, Մալթան, Հունաստանը:
Երկրորդ կիսաեզրափակիչը չհաղթահարեցին Ավստրալիան, Մոնտենեգրոն, Իռլանդիան, Վրաստանը, Չեխիան, Իսրայելը, Սերբիան:
Ելույթ ունեցան նաև «Մեծ հնգյակ»-ի անդամներ Գերմանիան, Մեծ Բրիտանիան և Ֆրանսիան։ Այդ երկրները «Եվրատեսիլ»-ի հիմնադիրներն են, ուստի, արդեն եզրափակիչում են:
Մրցույթը հեռարձակվեց Հանրային հեռուստաընկերության ուղիղ եթերում։
«Եվրատեսիլ 2025»-ի եզրափակիչը տեղի կունենա մայիսի 17-ին։
Շվեյցարիան «Եվրատեսիլ»-ը հյուրընկալել է մի քանի անգամ։ Առաջին անգամ՝ 1956-ին: Այն կազմակերպվել է երկրի իտալախոս Լուգանո քաղաքում, 1989 թվականին «Եվրատեսիլ»-ը կայացել է ֆրանսախոս Լոզանում, իսկ այժմ երաժշտական մրցույթն առաջին անգամ տեղի կունենա երկրի գերմանախոս մասում։
