Եգիպտոսն աջակցում է Հարավային Կովկասում խաղաղության և անվտանգության ապահովմանն ուղղված ջանքերին։
Այս մասին հայտարարել է Եգիպտոսի նախագահ Աբդել Ֆաթթահ ալ Սիսին Ադրբեջանի նախագահ Իլհամ Ալիևի հետ մամուլի ասուլիսի ժամանակ։
Եգիպտոսի նախագահը նաև հայտարարել է, որ Ադրբեջանի նախագահի հետ քննարկվել է Գազային եգիպտական օգնության մեծացման հարցը և 1967 թվականի սահմաններում Պաղեստին պետության ստեղծման կարևորությունը։
«Աջակցություն եմ հայտնել Ադրբեջանի նախագահին՝ Հարավային Կովկասում խաղաղություն հաստատելու ջանքերին։ Սա մեծ ներդրում կլինի տարածաշրջանի ժողովուրդների համար»,- ասել է Աբդել Ֆաթթահ ալ-Սիսին:
