Ադրբեջանի նախագահ Իլհամ Ալիևը հեռախոսազրույց է ունեցել Իրանի նախագահի պաշտոնակատար, երկրի առաջին փոխնախագահ Մոհամադ Մոխբերի հետ։
Հեռախոսազրույցում քննարկվել են Ադրբեջանի Զանգելանի շրջանը Իրանի տարածքով Նախիջևանին միացնելու ճանապարհա- տրանսպորտային գիծ ստեղծելու աշխատանքները, հաղորդում են ադրբեջանական լրատվամիջոցները՝ վկայակոչելով Ադրբեջանի նախագահի պաշտոնական կայքի հաղորդագրությունը։
Մոխբերին նախագահի պաշտոնակատար է այն բանից հետո, երբ Իրանի ութերորդ նախագահ Էբրահիմ Ռայիսին, արտգործնախարար Աբդոլահիանը և ևս չորս հոգի զոհվեցին Իրանի Արևելյան Ադրբեջան նահանգի հյուսիս-արևմուտքում գտնվող Վարզաքան շրջանում ուղղաթիռի վթարի հետևանքով: Նրանք Ադրբեջանի հետ սահմանին համատեղ ամբարտակի նախագծի բացման արարողությունից հետո վերադառնում էին Թեհրան:
