Թո՛ղ Քրիստոսի հարության ավետիսը նոր լույսով ու հույսով լցնի մեզնից յուրաքանչյուրի սիրտը. Գագիկ Ծառուկյանի ուղերձը Սուրբ Զատկի առթիվ

ԲՀԿ նախագահ Գագիկ Ծառուկյանը շնորհավորել և ուղերձ է հղել Սուրբ Զատիկի առթիվ․

«Քրիստոս հարյավ ի մեռելոց.

Օրհնյալ է Հարությունը Քրիստոսի.

Հայ Առաքելական Եկեղեցին այսօր տոնում է Քրիստոսի հրաշափառ Հարության տոնը, ինչի առթիվ ջերմորեն շնորհավորում եմ մեր բոլոր հավատացյալ քույրերին ու եղբայրներին։ Սուրբ Զատիկը ճշմարտության լույսի, խաղաղության ու վերածննդի հաղթանակի խորհուրդն ունի և ես լիահույս եմ, որ այն կուղեկցի աշխարհասփյուռ հայ ժողովրդին:

Որպես քրիստոնեությունն առաջինը պետականորեն ընդունած երկիր, հավատն առ Աստված ու կրոն առանձնահատուկ կարևորություն ունի մեր կյանքում։ Դժվարին այս օրերին մենք հաճախ ենք մեր հայացքն ուղղում Բարձրյալին ու աղոթում մեր երկրի խաղաղության ու մեր հայրենիքի անվտանգության համար։

Թո՛ղ Քրիստոսի հարության ավետիսը նոր լույսով ու հույսով լցնի մեզնից յուրաքանչյուրի սիրտը։

Աստված պահապա՛ն մեզ բոլորիս…»։

Լրահոս

Օրացույց

Ապրիլի 2024
Ե Ե Չ Հ Ու Շ Կ
1234567
891011121314
15161718192021
22232425262728
2930