Իսրայելական ԶՈւ-ն հարված է հասցրել Լիբանանի հարավում գտնվող Անսար ավանի բնակելի տանը, յոթ մարդ զոհվել է, ևս երեքը ստացել են վիրավորումներ, ՌԻԱ Նովոստի-ին հայտնել են լիբանանյան շտապօգնության ծառայությունում:
«Ալ-Զրարիա ավանի կողմից Անսարի ծայրամասում գտնվող տան ուղղությամբ ավիահարվածի հետևանքով զոհվել է յոթ մարդ, ևս երեքը ստացել են վիրավորումներ: Տունն ամբողջությամբ ավերվել է»,- ասել է գործակալության զրուցակիցը:
Աղբյուրի տվյալներով՝ փրկարարական բրիգադները շարունակում են քանդել փլատակները և դուրս բերել զոհվածներին ու տուժածներին: Գործողությանը մասնակցում են «Կաշաֆ ար-Ռիսալա ալ-Իսլամիա» շարժման շտապօգնության, Իսլամական առողջապահության կոմիտեի և Լիբանանի քաղաքացիական պաշտպանության աշխատակիցները:
Տուժածներին տեղափոխում են Նաբաթիա քաղաքի հիվանդանոցներ:
