Ուրբաթ առավոտյան նավթի գինը չափավոր անկում է գրանցել նախորդ օրվա խիստ աճից հետո։
Brent նավթի մայիսյան ֆյուչերսների գինը Լոնդոնի ICE Futures բորսայում նվազել է 0.61 դոլարով (0.56 տոկոս)՝ հասնելով մեկ բարելի համար 107.40 դոլարի։ Հինգշաբթի օրը պայմանագիրը բարձրացել է 5.79 դոլարով (5.7 տոկոս)՝ հասնելով մեկ բարելի համար 108.01 դոլարի։
Նյու Յորքի ապրանքային բորսայի (NYMEX) էլեկտրոնային աճուրդներում WTI նավթի մայիսյան ֆյուչերսները նվազել են 0.83 դոլարով (0.88 տոկոս)՝ հասնելով մեկ բարելի համար 93.65 դոլարի։ Նախորդ աճուրդներում այս պայմանագրերը բարձրացել են 4.16 դոլարով (4.6 տոկոս)՝ հասնելով մեկ բարելի համար 94.48 դոլարի։
