ԱՄՆ պետքարտուղար Մարկո Ռուբիոն հայտարարել է, որ միջնորդ երկրները «ազդանշաններ են փոխանցում և առաջընթաց են գրանցում» Իրանի հետ բանակցություններում, հաղորդում է Al Jazeera-ն։
«Նեղուցներով ավելի ու ավելի շատ էներգիա է հոսում, այնքան շատ չէ, որքան պետք է լիներ, սակայն դրա մի մասը հոսում է»,- լրագրողներին ասել է նա։
Ըստ ԱՄՆ պետքարտուղարի՝ հաղորդագրությունների փոխանակման գործում որոշակի առաջընթաց է գրանցվել։
«Սակայն դա շարունակական և հարաճուն գործընթաց է, և մենք չենք պատրաստվում բանակցել կամ լրատվամիջոցներում խոսել դրա մասին»,- նշել է նա։
Ռուբիոն ասել է, որ Հորմուզի նեղուցը «կարող է բացվել վաղը, եթե Իրանը դադարի սպառնալ համաշխարհային նավագնացությանը»։
«Բոլոր այդ երկրները, որոնք հոգ են տանում միջազգային իրավունքի մասին, պետք է ինչ-որ բան ձեռնարկեն այդ հարցում»,- հավելել է ԱՄՆ պետքարտուղարը։
