Իրանի հարավային Շիրազ քաղաքի մոտակայքում իսրայելական եւ ամերիկյան ինքնաթիռների կողմից պահածոյափուփերի տեսքով նետված ականներից զոհվել են տեղի մի քանի բնակիչներ։ Այս մասին հայտնել է Tasnim գործակալությունը։
Գործակալության տվյալներով՝ «թշնամու ինքնաթիռները Շիրազի մոտակայքի որոշ տարածքներում նետել են պայթուցիկներ՝ թաքցված սովորական ձկան պահածո հիշեցնող թիթեղե տարողություններում»։ Նշվել է, որ այդ «պահածոյատուփերը» պայթում են բացվելուց անմիջապես հետո։
Ինչպես նշել է գործակալությունը, տեղի անվտանգության մարմինների աշխատակիցները հավաքում են խայծ-ռումբերը եւ խնդրում քաղաքացիներին հեռու մնալ այդ կասկածելի առարկաներից եւ հայտնաբերելու դեպքում հայտնել դրանց ճշգրիտ գտնվելու վայրը ոստիկանությանը։
