Իրանը չունի նավատորմ, չունեն ռազմաօդային ուժեր, օդային պաշտպանության համակարգ, նրանց ռադարները անջատված են։ Ամեն ինչ շարքից դուրս է եկել, հայտարարել է ԱՄՆ նախագահ Դոնալդ Թրամփը։
«Իսրայելը չի ստիպել ինձ հարձակվել Իրանի վրա։ Գուցե ես եմ ստիպել նրանց դա անել»,-լրագրողներին ասել է Թրամփը։
Նա նշել է, որ պատրաստվում են խզել Իսպանիայի հետ բոլոր կապերը։
«Մենք չենք ուզում որևէ կապ ունենալ Իսպանիայի հետ։ Իսպանիան մեզ ասաց, որ չենք կարող օգտագործել նրանց բազաները, և դա նորմալ է, մեզ դրանք պետք չեն։ Եթե մենք ուզում ենք, կարող ենք պարզապես թռչել և օգտագործել դրանք։ Ոչ ոք չի ասելու մեզ, որ չօգտագործենք դրանք»,-նշել է նա։
