Եվրամիությունն աջակցում է Հայաստանին և Ադրբեջանին խաղաղության գործընթացում։
Այս մասին հայտարարել է ԵՄ արտաքին գործերի և անվտանգության քաղաքականության հարցերով պաշտոնական ներկայացուցիչ Անիտա Հիպերը:
«Մենք ցույց ենք տվել մեր ամուր աջակցությունը: Մենք երկու կողմի և միջազգային գործընկերների հետ աշխատել ենք տարիներ շարունակ՝ պայմաններ ստեղծելու տևական խաղաղության համար։
Ինչ վերաբերում է գերիների հարցին՝ այդ հարցում ևս մեր մոտեցումը հստակ է եղել: Այդ կարևոր հումանիտար խնդիրները պետք է լուծվեն, այդ թվում՝ անհետ կորածների և Ադրբեջանում պահվող հայերի վերաբերյալ»,- ասել է ԵՄ արտաքին գործերի և անվտանգության քաղաքականության հարցերով պաշտոնական ներկայացուցիչը։
