2023թ. հոկտեմբերի 7-ից ի վեր Իսրայելի կողմից Գազայի հատվածում սպանված լրագրողների թիվը հասել է 227-ի, հաղորդել է Կատարի Al Jazeera հեռուստաալիքը:
Նրա տեղեկացմամբ՝ ֆոտոլրագրող Մոհամեդ Աբու Ալ-Աուֆը զոհվել է Գազա քաղաքին Իսրայելի հասցրած հարվածից, որի հետեւանքով զոհվել են նաեւ շտապօգնության երեք աշխատակիցներ: Մահացած ֆոտոլրագրողն աշխատում էր պաղեստինյան անկլավի մի քանի լրատվամիջոցներում:
Գազայի կառավարության մամուլի ծառայությունը «ամենախիստ կերպով դատապարտում է Իսրայելի օկուպացիոն իշխանությունների կողմից պաղեստինցի լրագրողների համակարգված թիրախավորումը եւ սպանությունը», նշել է Al Jazeera-ն։
