TVnews.am-ի զրուցակիցը աշխարհահռչակ հայ աստղաֆիզիկոս, Starmus միջազգային փառատոնի համահիմնադիր դոկտոր Գարիկ Իսրայելյանն է, 𝐒𝐢𝐥𝐢𝐜𝐨𝐧 𝐌𝐨𝐮𝐧𝐭𝐚𝐢𝐧𝐬 𝟐𝟎𝟐𝟔 𝐒𝐮𝐦𝐦𝐢𝐭-ի խոսնակներից մեկը։
Դոկտոր Գարիկ Իսրայելյանը աստղաֆիզիկայի ոլորտում կարևոր գիտական բացահայտումների հեղինակ է։ 1999 թվականին նա և իր գործընկերներն առաջին անգամ դիտողական ապացույցներ են ներկայացրել, որ գերնոր աստղերի պայթյունները կարող են հանգեցնել աստղային զանգվածի սև խոռոչների ձևավորմանը։ Այս հայտնագործությանն անդրադարձել է նաև լեգենդար ֆիզիկոս Սթիվեն Հոքինգը։
Նրա գիտական գործունեությունը չի սահմանափակվում միայն հետազոտություններով։ Queen խմբի կիթառահար և աստղաֆիզիկոս Բրայան Մեյի հետ նա հիմնադրել է Starmus փառատոնը, որը մեկ հարթակում միավորում է աշխարհահռչակ գիտնականների, տիեզերագնացների և երաժիշտների:
