Ամերիկացիների մոտ 65%-ը կարծում է, որ ԱՄՆ նախագահ Դոնալդ Թրամփը զորքերին կհրամայի լայնածավալ ցամաքային պատերազմ սկսել Իրանում, բայց միայն 7%-ն է աջակցում այդ գաղափարին՝ ըստ Reuters/Ipsos-ի՝ այսօր ավարտված հարցման: Երեքօրյա հարցումը ցույց է տվել, որ Թրամփի հավանության վարկանիշը մնացել է ընդհանուր առմամբ անփոփոխ՝ 40%, ինչը մեկ տոկոսային կետով ավելի է, քան Reuters/Ipsos-ի փետրվարի վերջին Իրանի վրա ԱՄՆ-ի և Իսրայելի հարձակումից մի քանի ժամ անց անցկացված հարցման տվյալներից:
Հարցումը, որին մասնակցել է ամբողջ երկրում 1545 չափահաս ամերիկացի, ունեցել է մոտ երեք տոկոսային կետի սխալի մարժա:
Թրամփի Հանրապետական կուսակցության անդամները, ընդհանուր առմամբ, աջակցում են պատերազմին այնպես, ինչպես այն մինչ այժմ է ընթանում. 77%-ը նշել է, որ հավանություն է տալիս Իրանին ԱՄՆ հարվածներին՝ դեմոկրատների 6%-ի և անկախների 28%-ի համեմատ: Ըստ հարցման՝ ամերիկացիների մոտ 37%-ն ընդհանուր առմամբ հավանություն է տալիս պատերազմին:
Հիսունինը տոկոսը հավանություն չի տալիս դրան, ներառյալ՝ ամեն հինգերորդ հանրապետականը։ Հանրապետականների մոտ 63%-ը և ամերիկացիների ընդհանուր 34%-ը նշել են, որ կողմ կլինեն Իրան փոքրաթիվ հատուկ նշանակության զորքերի ուղարկմանը։
Հարցմանը մասնակցածների հիսունհինգ տոկոսը նշել է, որ դեմ է ցամաքային զորքերի տեղակայմանը՝ անկախ գործողության մասշտաբից։
