Երբ լրագրողը Սպիտակ տանը Ճապոնիայի վարչապետ Սանաե Տակաիչիի հետ հանդիպման ժամանակ Դոնալդ Թրամփին հարցրել է, թե ինչու նա դաշնակիցներին, օրինակ, Ճապոնիային չի տեղեկացրել Իրանին հարվածելու իր մտադրության մասին, ԱՄՆ նախագահը պատասխանել է Երկրորդ համաշխարհային պատերազմի ժամանակ Պերլ Հարբորի վրա հարձակման մասին կատակով, հաղորդում է CNN-ը։
«Նախևառաջ, մի չափազանցեք ազդանշանները։ Գիտեք, երբ մենք պատերազմ ենք սկսում, ամեն ինչ անում ենք և ոչ մեկին չենք ասել, քանի որ ուզում էինք նրանց անակնկալ մատուցել»,- ասել է Թրամփը Ճապոնիայի վարչապետ Տակաիչիի հետ Օվալաձև աշխատասենյակում երկկողմ հանդիպման ժամանակ։
«Ո՞վ է ավելի լավ հասկանում, թե ինչ է անակնկալը, քան Ճապոնիան։ Ինչո՞ւ դու ինձ չպատմեցիր Պերլ Հարբորի մասին։ Լավ»,- հավելել է նա։
Թրամփն առաջին անգամ Իրանի վրա հարձակման հրաման տվեց մոտ երեք շաբաթ առաջ՝ տարածաշրջանում բարձրացնելով լարվածությունը և հարցեր առաջացնելով դաշնակիցների շրջանում համակարգման և հաղորդակցության վերաբերյալ։
Թրամփի կատակը հիշեցում էր Ճապոնիայի՝ Փերլ Հարբորի վրա անակնկալ հարձակման մասին, որը խլեց ավելի քան 2400 ամերիկացու կյանք և Միացյալ Նահանգներին ներքաշեց Երկրորդ համաշխարհային պատերազմի մեջ 1941 թվականին։
