ԱՄՆ կառավարությունում կարծում են, որ Իրանը և Մերձավոր Արևելքում նրան առնչվող զինյալ խմբավորումները կարող են թիրախավորել Իրաքի նավթի և գազի արդյունաբերության ոլորտում գործող ամերիկյան բիզնեսները։
«Իրանը և նրան առնչվող ահաբեկչական խմբավորումները կարող են հարձակվել Իրաքում ամերիկյան ընկերությունների պատկանող նավթային ընկերությունների և էներգետիկ ենթակառուցվածքների վրա»,- ասվում է Բաղդադում ԱՄՆ դեսպանատան հրապարակած նախազգուշացման մեջ:
Նշվում է նաև, որ նմանատիպ խմբավորումները թիրախավորել են Իրաքում գտնվող հյուրանոցները, ներառյալ՝ Իրաքյան Քրդստանի օբյեկտները, որտեղ հաճախ են մնում ԱՄՆ քաղաքացիները։ Փաստաթղթում ընդգծվում է, որ շատ ամերիկացիների համար ստեղծված իրավիճակում «ամենաապահով տարբերակը» հնարավորինս արագ երկրից հեռանալն է։
