ԱՄՆ-ն և Պարսից ծոցի երկրներից առնվազն մեկը բանակցություններ են վարում ուկրաինական անօդաչու թռչող սարքեր (ԱԹՍ) գնելու շուրջ՝ իրանական ԱԹՍ-ների հարձակումները հետ մղելու համար։ Այս մասին գրում է Financial Times-ը՝ հղում անելով ուկրաինական աղբյուրներին։
Ուկրաինացի պաշտոնյաներից մեկը Պենտագոնի հետ բանակցություններն անվանել է «նուրբ» թեմա։
Նրա խոսքով՝ «հետաքրքրության կտրուկ աճ է նկատվում ուկրաինական որսիչ անօդաչուների նկատմամբ, որոնք ընդունակ են շատ ցածր գներով որսալ իրանական ԱԹՍ-ները»։
Նշվում է, որ Իրանը Պարսից ծոցում այնպիսի մարտավարություն է կիրառում, որը հանգում է Ուկրաինայի ափամերձ քաղաքի՝ Օդեսայի դեմ ռուսական մարտավարության կրկնօրինակմանը։ Այնտեղ «Շահեդ» անօդաչուները մոտենալիս սահում են օվկիանոսի մակերևույթին մոտ, և շփոթեցնում են որսիչ համակարգերին։ Բաց ծովում տեղակայված անօդաչուներն ունեն դրանք որսալու լավագույն հնարավորությունները, նշել է ուկրաինացի փորձագետներից մեկը։
