Կատարին առնվազն մեկ ամիս կպահանջվի՝ հեղուկացված բնական գազի արտադրության նախկին ծավալներին վերադառնալու համար, քանի որ իր ազգային նավթագազային ընկերություն՝ Qatar Energy-ն, դադարեցրել է աշխատանքները, հաղորդում է Reuters-ը՝ հղում անելով աղբյուրներին։
Ավելի վաղ Qatar Energy-ն իր հաճախորդներին տեղեկացրել էր հեղուկացված բնական գազի արտադրության դադարեցման պատճառով անհաղթահարելի ուժի (ֆորս մաժորի) մասին։
Աղբյուրները նշում են, որ Ռաս Լաֆանի գործարանին առնվազն երկու շաբաթ կպահանջվի արտադրությունը վերսկսելու համար, և ևս առնվազն երկու շաբաթ՝ նախկին հզորությունները վերականգնելու համար։
Կատարն աշխարհի հեղուկացված բնական գազի երեք խոշորագույն արտահանողներից մեկն է։ Ռաս Լաֆանի արդյունաբերական կլաստերը, որը գտնվում է երկրի հյուսիսում՝ Դոհայից մոտավորապես 80 կմ հեռավորության վրա, ներառում է երկրի հիմնական հեղուկացման, պահեստավորման և բեռնաթափման կայանները։ Համալիրի ենթակառուցվածքը ներառում է 14 հեղուկացված բնական գազի գնացք՝ տարեկան մոտ 77 միլիոն տոննա ընդհանուր հզորությամբ։
