Գազայի հատվածում Իսրայելի կողմից անկլավում 2025 թվականի հոկտեմբերին ուժի մեջ մտած հրադադարի խախտման հետևանքով զոհվել է առնվազն 603 պաղեստինցի և վիրավորվել 1618-ը։
Գազայի հատվածի առողջապահության նախարարությունը այս մասին հայտարարել է «Տելեգրամ»-ի իր ալիքում։
Նախարարության տվյալներով՝ վերջին 24 ժամվա ընթացքում Գազայի հատվածում զոհվել է երկու մարդ, ևս 11-ը դիմել է բժշկական օգնության։
2023 թվականի հոկտեմբերից ի վեր Գազայում սրվող հակամարտության ընթացքում զոհված պաղեստինցիների ընդհանուր թիվը հասել է 72 հազար 63-ի, վիրավորվել է ավելի քան 171 հազար մարդ։
Փետրվարի 10-ին Պաղեստինի իշխանությունները հայտարարել են, որ հրադադարի ուժի մեջ մտնելուց հետո չորս ամիսների ընթացքում Իսրայելի կողմից գրանցել են հրադադարի ավելի քան 1600 խախտում։
Մերձավոր Արևելքում իրավիճակը կտրուկ սրվել է 2023 թվականի հոկտեմբերի 7-ին Գազայի հատվածից Իսրայելի տարածք պաղեստինյան ՀԱՄԱՍ շարժման զինված կողմնակիցների ներխուժումից հետո, որը ուղեկցվել է սահմանամերձ գյուղերի բնակիչների սպանություններով և պատանդներ վերցնելով։ Ի պատասխան՝ Իսրայելը ռազմական գործողություն է սկսել անկլավում՝ նպատակ ունենալով ոչնչացնել ՀԱՄԱՍ-ի ռազմական և քաղաքական կառույցները և ազատ արձակել բոլոր առևանգվածներին։
