Մեքսիկայի Միչոական նահանգում անվտանգության ուժերի համատեղ գործողության արդյունքում (ռազմածովային ուժերի գլխավորությամբ) հայտնաբերվել են թմրամիջոցների հինգ գաղտնի լաբորատորիաներ: Այդ լաբորատորիաներից առգրավվել է ավելի քան 42 տոննա մետամֆետամին:
«Ազգային անվտանգության ռազմավարության իրականացման շրջանակում Միչոական նահանգի Մադերո եւ Մորելիա համայնքներում հայտնաբերվել են հինգ օբյեկտներ, որոնք օգտագործվել են որպես գաղտնի լաբորատորիաներ մետամֆետամինի արտադրության համար։ Գործողության ընթացքում առգրավվել է մոտավորապես 42,24 տոննա մետամֆետամին»,- նշվել է անվտանգության մարմինների համատեղ հայտարարությունում, որը հրապարակվել է Մեքսիկայի պաշտպանության նախարարության կայքում։
Փաստաթղթում նշվել է, որ խուզարկությունների ընթացքում առգրավվել է 44 տակառ մեթիլամին՝ յուրաքանչյուրը 200 լիտր տարողությամբ, ընդհանուր առմամբ մոտ 8 800 լիտր պրեկուրսոր, ինչպես նաեւ սինթետիկ թմրանյութերի արտադրության համար նախատեսված տարբեր սարքավորումներ:
Իշխանությունների գնահատմամբ՝ հանցավոր խմբավորումներին պատճառված տնտեսական վնասը կազմել է մոտ 1,06 մլրդ պեսո (մոտավորապես 55,6 մլն դոլար՝ ներկա փոխարժեքով):
