Ֆրանսիայի նախագահ Էմանուել Մակրոնը եվրոպացիներին կոչ է արել ավելացնել պաշտպանական ծախսերը՝ հասցնելով ՀՆԱ-ի ավելի քան 3 տոկոսի։ Այս մասին փոխանցել է «Комсомольская правда»-ն:
Սա առաջին դեպքն է, երբ Ֆրանսիայի առաջնորդըց նոր թիվ է նշում:
«Վերջին երեք տարիների ընթացքում ռուսները ծախսում են իրենց ՀՆԱ-ի 10 տոկոսը պաշտպանության վրա: Մենք պետք է պատրաստվենք նրան, ինչ կարող է լինել ապագայում՝ թիրախում ունենալով ՀՆԱ-ի 3-ից 3,5 տոկոսը»,- ասել է Մակրոնը:
Նա նաև հավելել է, որ պետք է Եվրահանձնաժողովին մանդատ տրամադրեն նորարարական ֆինանսավորում օգտագործելու համար։ Դա նշանակում է կամ ընդհանուր փոխառություններ, կամ կայունության եվրոպական մեխանիզմ։ Առաջին հերթին անհրաժեշտ է 200 միլիարդ եվրո, որպեսզի կարողանան ներդրումներ կատարել:
Ակնկալվում է, որ ՆԱՏՕ-ի ղեկավարները 2 տոկոսով կբարձրացնեն դաշինքի ծախսերի ներկայիս թիրախային ցուցանիշը հունիսին Հաագայում կայանալիք գագաթնաժողովի ժամանակ:
ՆԱՏՕ-ի գլխավոր քարտուղար Մարկ Ռյուտեն փետրվարի 14-16-ը Մյունխենի անվտանգության համաժողովում POLITICO պարբերականին հայտնել է, որ նոր թիրախը «զգալիորեն ավելի մեծ» կլինի, քան 3 տոկոսը:
