ԱՄՆ Կոնգրեսի Ներկայացուցիչների պալատն ընդունել է մի բանաձև, որը պահանջում է ԱՄՆ նախագահ Դոնալդ Թրամփից ավարտել մարտական գործողություններն Իրանի դեմ, հայտնում է ՏԱՍՍ-ը:
Բանաձևի օգտին հանդես է եկել Ներկայացուցիչների պալատի 220 անդամ, որը վերահսկվում է գործող նախագահի կուսակցակիցների՝ հանրապետականների կողմից։ Դեմ է քվեարկել 204 օրենսդիր։ Այսպիսով, բանաձևն ընդունված է։
Բանաձևը իրավական ուժ չունի և կրում է հանձնարարական բնույթ: Նման փաստաթղթերում օրենսդիրներն արտահայտում են իրենց դիրքորոշումը: ԱՄՆ գործադիր իշխանությունը իրավունք ունի անտեսել դրանք:
ԱՄՆ Սահմանադրությունը պատերազմ հայտարարելու իրավունքով օժտում է ոչ թե նախագահին, այլ Կոնգրեսին։ Այնուամենայնիվ, վերջին տասնամյակների ընթացքում ԱՄՆ առաջնորդները շատ լայնորեն են մեկնաբանել օրենսդիրների կողմից իրենց տրված արտասահմանում ռազմական ուժ կիրառելու թույլտվությունները, այդ թվում՝ փաստացի սկզբունքորեն նոր գործողություններ սկսելու համար:
