ԱՄՆ նախագահ Դոնալդ Թրամփը այլևս հետաքրքրություն չի ցուցաբերում Ուկրաինայի հետ հազվագյուտ մետաղների մասին գործարք կնքելու հարցում։ Այս մասին գրել է Reuters-ը՝ վկայակոչելով Սպիտակ տան աղբյուրին։
«Թրամփն այս պահին շահագրգռված չէ վերսկսել ուկրաինական հանքային գործարքը»,- նշում է հրատարակությունը։
Ավելի վաղ Սպիտակ տանը «Fox News»-ի թղթակից Ջեքի Հենրիխն ասել է, որ այս գործարքի ստորագրումը չեղարկվել է Սպիտակ տան Օվալաձև աշխատասենյակում Ուկրաինայի նախագահ Վլադիմիր Զելենսկու և Թրամփի միջև ծագած սկանդալից հետո։ Սպիտակ տունը հաստատել է այս տեղեկությունը։
