Telegram-ի հիմնադիր Պավել Դուրովի կալանավորումը քաղաքական որոշում չէ, ձեռնարկատերը ձերբակալվել է դատական հետաքննության շրջանակներում, հայտարարել է Ֆրանսիայի նախագահ Էմանուել Մակրոնը։
«Ես կարդում եմ կեղծ տեղեկություններ Ֆրանսիայի մասին Պավել Դուրովի ձերբակալությունից հետո։ Ֆրանսիան առավել քան երբևէ հավատարիմ է խոսքի և հաղորդակցության ազատությանը, նորարարությանը և ձեռներեցությանը: Այդպես էլ կլինի», — գրել Է նա X սոցցանցում։
«Իրավունքի գերակայության պայմաններում, սոցիալական ցանցերում, ինչպես իրական կյանքում, ազատություններն իրականացվում են օրենքով սահմանված շրջանակներում ՝ քաղաքացիներին պաշտպանելու և նրանց հիմնական իրավունքները հարգելու համար:
Ֆրանսիայի տարածքում Telegram-ի ղեկավարի ձերբակալությունը տեղի է ունեցել շարունակվող դատական հետաքննության շրջանակներում: Սա ոչ մի դեպքում քաղաքական որոշում չէ։ Որոշումը մնում է դատավորներին», — հավելել է նա։
Հիշեցնենք, որ Telegram-ի հիմնադիր Պավել Դուրովը ձերբակալվել է Փարիզի Լե Բուրժե արվարձանի օդանավակայանից բերման ենթարկվելուց հետո։ Դուրովը մասնավոր ինքնաթիռով Ֆրանսիա է ժամանել Բաքվից:
