Ուկրաինայի նախագահ Վոլոդիմիր Զելենսկին հրապարակել է Կուրսկի շրջանում գերի ընկած երկու ենթադրյալ հյուսիսկորեացի զինվորականի հարցաքննության տեսանյութը և հայտարարել, որ Կիևը պատրաստ է նրանց փոխանակել ուկրաինացի ռազմագերիների հետ:
Կրեմլի խոսնակ Դմիտրի Պեսկովը պատասխանել է. «Մենք ոչ մի կերպ չենք կարող մեկնաբանել Զելենսկու հայտարարությունը։ Չգիտենք, թե ինչն է այնտեղ համապատասխանում իրականությանը՝ ով ում ինչ է առաջարկել։ Մենք շարունակում ենք հնարավոր փոխանակումների քննարկման գործընթացը»։
Ըստ Ուկրաինայի անվտանգության ծառայության՝ հարցաքննության ժամանակ երկու գերուց մեկն ասել է, որ իրեն Ռուսաստան են ուղարկել «վերապատրաստման», այլ ոչ թե պատերազմի: Նրա մոտ հայտնաբերվել է ռուսական զինգրքույկ ուրիշ անձի անունով, մյուս զինվորի մոտ որևէ փաստաթուղթ չի եղել:
