ԱՄՆ-ի և Իրանի պատերազմը կավարտվի նոյեմբերին՝ ԱՄՆ ընտրություններից անմիջապես հետո, քանի որ Թեհրանն այլևս չի կարողանա դիմանալ, այս մասին հայտարարել է ԱՄՆ նախագահ Դոնալդ Թրամփը։
«Ես ձգտում եմ շատ ավելիին, քան պարզապես միջուկային համաձայնագիրն է։ Խոսքը միայն միջուկային ծրագրի մասին չէ։ Միջուկային համաձայնագիր կկնքվի՝ 99.9% հավանականություն, բայց շատ այլ հարցեր կլինեն սեղանին։
Մենք չենք ձգտում բանակցություններ վարել Իրանի հետ։ Հնարավոր է, որ բանակցություններ տեղի ունենան, բայց մենք դրանք չենք համարում նպատակ։ Այս պատերազմը կավարտվի մեր ընտրություններից անմիջապես հետո։
Նրանք հուսահատորեն փորձում են ազդել ընտրությունների վրա, որպեսզի իշխանության գա հարմար և թույլ կուսակցություն, թողնելով նրանց մենակ և թույլ տալով ձեռք բերել միջուկային զենք»,-նշել է Թրամփը։
