Ռուսաստանի նախագահը մտադիր չէ արձագանքել ամերիկացի պաշտոնակցի վիրավորանքին․ Պեսկով

Ռուսաստանի նախագահ Վլադիմիր Պուտինի օրակարգն այնպիսին է, որ ԱՄՆ առաջնորդ Ջո Բայդենի վերջին վիրավորանքներին պատասխանելը բնավ առաջնահերթություն չէ, ՏԱՍՍ ռուսաստանան լրատվական գործակալությանն ասել է Կրեմլի խոսնակ Դմիտրի Պեսկովը։

Ավելի վաղ Բայդենը ABC հեռուստաընկերությանը տված հարցազրույցում, ինչպես նաև Նորմանդիայում Ափհանման 80-ամյակին նվիրված ուղերձում Պուտինին անվանել է «բռնապետ»։

«Դա չի լինի գլխավոր հարց օրակարգում»,- ասել է Պեսկովը, պատասխանելով այն հարցին, թե արդյո՞ք արդյոք Պուտինը Սանկտ Պետերբուրգի միջազգային տնտեսական համաժողովում կխոսի ամերիկացի պաշտոնակցի հնչեցրած կշտամբանքի մասին:

ՏԱՍՍ-ը նշում է, որ Բայդենը մի շարք ելույթներում Պուտինին բնութագրել է «բռնակալ», «բռնապետ», անվանել է «խելագար» և «մարդասպան»:

Պեսկովն ասել է, որ նման խրոխտության օգնությամբ Բայդենը փորձում է ներկայանալ «հոլիվուդյան կովբոյի» կերպարով և հավելել է, թե «նման հայտարարությունները միայն խայտառակում են ԱՄՆ-ին»։

Ինքը՝ Պուտինը նշել է, թե այդպիսի վիրավորանքները համարում է արձագանք իր այն հայտարարությանը, որ «լինելով հին դպրոցի կանխատեսելի քաղաքական գործիչ՝ Բայդենը Ռուսաստանի համար ավելի նախընտրելի է որպես ԱՄՆ նախագահ, քան իր գլխավոր մրցակից Դոնալդ Թրամփը»։

Այդուհանդերձ ռուսաստանյան քաղաքական շրջանակներում և իշխանամետ մամուլում բազմիցս նկատել են տվել հենց հակառակը՝ գրեթե անթաքույց ողջունել են 2016 թվականին Թրամփի հաղթանակը Հիլարի Քլինթոնի նկատմամբ և դժվարությամբ են թաքցրել հիասթափությունը 2020-ին Ջո Բայդենի կողմից նրա կրած պարտության կապակցությամբ:

Լրահոս

Օրացույց

Հունիսի 2024
Ե Ե Չ Հ Ու Շ Կ
 12
3456789
10111213141516
17181920212223
24252627282930