ՀՀ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանը նիստի ընթացքում ելույթ ունենալիս սպառնալիքներ հնչեցրեց ընդդիմադիր պատգամավորների հասցեին։
Նա անդրադարձավ «Տավուշը հանուն հայրենիքի» շարժման գործունեությանը և 20 տարի առաջվա որոշ դրվագներ հիշեցնել հանրությանը։
«ՀՀ–ն ուզում է ուժեղանալ, ամրապնդել իր սահմանները, ՀՀ պատգամավորները, քաղաքական կուսակցություններն ու քաղաքացիները խանգարում են դրան։ Չգիտեմ շատերը միտումնավոր են անում, թե չեն հասկանում` ինչի հետ են առնչվում ու ինչ վատ անուն են ունենալու պատմության մեջ։ Եթե տարիներ հետ գնանք, ապա կհիշենք, թե ովքեր են ղեկավարել Հայաստանը և ինչպես են կառավարել, կհիշենք նաև այն, թե ինչպես էին վերաբերվում այլ երկրների անուն տվող անձանց հետ` վերջիններս կամ բանտում էին հայտնվում, կամ մահանում էին, կամ ունեզրկվում էին։ Եթե դուք Ձեր չափը չճանաչեք և խանգարեք Հայաստանի զարգացմանը, ապա ձեզ հետ նույն գործիքներով կխոսենք, կկիրառենք ձեր դեմ, որոնք դուք կիրառել եք 20 տարի»,– ասաց Սուքիասյանը։
Սուքիասյանի խոսքով՝ ըստ իրենց տեղեկությունների` իր գործընկերները (ընդդիմադիր պատգամավորները – խմբ.), ինչպես նաև շատ ՀՀ քաղաքացիներ ծառայում են այլ պետություններին` մի մասը պայմանագրային հիմունքներով, մյուս մասն էլ չգիտակցելով։
Ըստ ՔՊ պատգամավորի՝ ընդդիմադիրները խանգարում են, որ Հայաստանը ուժեղ պետություն դառնա։
