«Կրոկուս Սիթի Հոլ»-ում տեղի ունեցած ահաբեկչության զոհերի թիվը հասել է 143-ի։
Telegram-ի ալիքում գրել է RT հեռուստաալիքի գլխավոր խմբագիր Մարգարիտա Սիմոնյանը։
«Արդեն ավելի շատ զոհեր կան, քան Նորդ-Օստում. 143 մարդ»,- ասվում է հրապարակման մեջ:
Ավելի վաղ հաղորդվել էր 115 զոհի մասին։
Նախնական տվյալներով՝ մարդկանց մահվան պատճառ են հանդիսացել հրազենային վնասվածքները և հրդեհի հետևանքով թունավոր նյութերի արտազատումը։ Ահաբեկիչները հարձակման պահին կրակ են բացել ինքնաձիգներից, իսկ համերգասրահը հրդեհելու համար կիրառել են դյուրավառ հեղուկներ։
