ՌԴ նախագահ Վլադիմիր Պուտինը հեռախոսազրույց է ունեցել Սերբիայի նախագահ Ալեքսանդր Վուչիչի հետ, հաղորդում է Կրեմլը։
Վուչիչը շնորհավորել է Պուտինին Պետդումայի ընտրությունների հաջող անցկացման կապակցությամբ։ Կողմերը ընդգծել են ընտրական գործընթացներին արտաքին միջամտության անընդունելիությունը։
Վուչիչը հատուկ շնորհակալություն է հայտնել Պուտինին Սերբիայում անտառային հրդեհների մարման գործում ցուցաբերած օգնության համար։
Նախագահները քննարկել են ռուս-սերբական հարաբերությունների զարգացման տարբեր ասպեկտներ, այդ թվում՝ էներգետիկայի և նավթի ու գազի ոլորտներում։
Պուտինը և Վուչիչը անդրադարձել են միջազգային արդիական խնդիրներին, այդ թվում՝ ուկրաինական հակամարտությանը։
Պուտինը և Վուչիչը նշել են Բոսնիա և Հերցեգովինայում Դեյթոնի ճարտարապետությունը պահպանելու և Սերբիայի օրինական իրավունքներն ու շահերն ապահովելու անհրաժեշտությունը։
Վուչիչն ասել է, որ Պուտինի հետ քննարկել է գազի մատակարարումները և տեղեկացրել է նաև իր առաջիկա հրաժարականի մասին, որը նախատեսված է սեպտեմբերի 27-ին։
