«Հայաստանում խնդիր ունենալու են միայն օլիգարխները և նրանց ընտրատասովշչիկները: Առաջիկա 5 տարում նրանք այդ խնդիրներից չեն ազատվելու: Իրենք այնքան խնդիր են ունենալու առաջիկա 5 տարում, որ ես չգիտեմ էլ՝ ինչ է լինելու»:
Այս մասին խորհրդարանում լրագրողների հետ զրույցում ասել է «Քաղաքացիական պայմանագիր» խմբակցության պատգամավոր Վահագն Ալեքսանյանը:
Ինչ վերաբերում է ՔՊ-ի սահմանադրական մեծամասնություն չկազմելուն, պատգամավորը նշել է, որ ներկայիս ԱԺ-ի գործող գումարման մեջ ևս ՔՊ-ն չուներ սահմանադրական մեծամասնություն:
Ինչ վերաբերում է հանրաքվեին, Ալեքսանյանն ասել է, որ սահմանադրական հանրաքվեի մասին կխոսեն, երբ դրա մասին խոսելու ժամանակը գա:
«Բայց ես խնդրում եմ այս օլիգարխիկ կլանի ու այս անսահմանափակ փողի մեշոկների ջախջախումը մի փորձեք նվաստացնել»,- հավելել է Ալեքսանյանը:
