Ուկրաինական անօդաչուները հուլիսի լույս 24-ի գիշերը հարվածել են Wildberries-ի պահեստներին: Ընկերությունը հայտարարել է, որ Շուշարախում (Պետերբուրգ) և «Ուտկինա զավոդ» արդյունաբերական գոտում (Լենինգրադի մարզ) ընկերության լոգիստիկ համալիրների աշխատանքը դադարեցվել է:
Պետերբուրգի նահանգապետ Ալեքսանդր Բեգլովը հայտարարել է, որ ուկրաինական անօդաչուները հարված են հասցրել Մոսկովյան մայրուղու քաղաքացիական ենթակառուցվածքներին: Այնտեղ ընթանում են հետևանքների վերացման աշխատանքներ: Նա չի նշել, թե կոնկրետ ինչ օբյեկտներ են դրանք: Շուշարախում Wildberries-ի պահեստը գտնվում է Մոսկովյան մայրուղու վրա: Տուժածների մասին Բեգլովը չի հայտնել:
Լենինգրադի մարզի նահանգապետ Ալեքսանդր Դրոզդենկոն ուղիղ հաստատել է Նովոսարատովկա գյուղում (այնտեղ է գտնվում «Ուտկինա զավոդ» արդյունաբերական գոտին) Wildberries-ի պահեստներում բռնկված հրդեհի մասին, որը տեղի է ունեցել ուկրաինական դրոնի հարվածի հետևանքով: Երեք մարդ տուժել է:
