Խոսեպ Գվարդիոլան պաշտոնապես լքել է «Մանչեսթեր Սիթիի» գլխավոր մարզչի պաշտոնը՝ անգլիական ակումբում 10 տպավորիչ մրցաշրջան անցկացնելուց հետո:
Երկուշաբթի օրը կայացել է հրաժեշտի հատուկ միջոցառում, որի ընթացքում ակումբի ղեկավարությունն ու երկրպագուները հրաժեշտ են տվել ոչ միայն Գվարդիոլային, այլև թիմում երկար տարիներ անցկացրած առանցքային ֆուտբոլիստների՝ ի դեմս Ջոն Սթոունզի և Բեռնարդու Սիլվայի:
Հուզիչ արարողությունից անմիջապես հետո իսպանացի մասնագետը չի երկարաձգել իր մնալն Անգլիայում. մարզիչն արդեն վերադարձել է հայրենիք: Սոցիալական ցանցերում, մասնավորապես՝ The Touchline էջում, արդեն իսկ հրապարակվել են Բարսելոնայի օդանավակայանում արված Գվարդիոլայի լուսանկարները:
Հիշեցնենք, որ «Մանչեսթեր Սիթիի» ղեկին աշխատած 10 տարիների ընթացքում Խոսեպ Գվարդիոլան նվաճել է անհավանական 20 տիտղոս: Իր վերջին՝ հրաժեշտի մրցաշրջանում անվանի մարզչի գլխավորությամբ «քաղաքայինները» դարձել են Անգլիայի և Անգլիական լիգայի գավաթակիրներ:
