Եվրոպական միությունը նախատեսում է Alphabet ընկերությանը (Google-ի մայր կառույցին) խոշոր տուգանք նշանակել, որը հաշվարկվում է «բարձր եռանիշ թվերով՝ միլիոնավոր եվրոներով» (այսինքն՝ մոտենում է մեկ միլիարդ եվրոյի)։ Դրա մասին հայտնում է գերմանական Handelsblatt պարբերականը՝ հղում անելով Եվրահանձնաժողովի աղբյուրներին։
Պարբերականի տվյալներով՝ որոշման նախագծի վրա տարվող աշխատանքները գտնվում են ավարտական փուլում, իսկ պաշտոնական հայտարարությունը սպասվում է մինչև Եվրահանձնաժողովի՝ ամառային արձակուրդ գնալը։ Handelsblatt-ը հավելում է, որ դա կդառնա ամենախոշոր տուգանքը, որը ԵՄ-ն երբևէ նշանակել է Թվային շուկաների մասին նոր օրենքի (DMA) խախտման համար։
2025 թվականի մարտին պաշտոնապես մեկնարկած հետաքննությունը կապված է այն կասկածների հետ, որ Google-ն որոնման արդյունքներում առաջնահերթություն է տալիս սեփական ծառայություններին։ Կարգավորողները ձգտում են ընկերությունից հասնել նրա որոնողական համակարգի՝ աշխարհում ամենատարածված համակարգի աշխատանքի մեխանիզմի լիակատար համապատասխանությանը տեղական օրենսդրությանը։
