ԱՄՆ-ում մեկ տարով հետաձգել են ամերիկացի մի դատապարտյալի մահապատժի իրականացումը, քանի որ իրավապահ մարմինների աշխատակիցները ավելի քան մեկ ժամ փորձել են երակ գտնել, հայտնել է CNN հեռուստաալիքը։
«Թենեսի նահանգի նահանգապետը Թոնի Քարրութերսին մեկ տարով հետաձգում է տրամադրել մահապատժի իրականացման համար այն բանից հետո, երբ հինգշաբթի նրա մահացու ներարկումը կասեցվել էր, քանի որ իրավապահ մարմինների աշխատակիցները ավելի քան մեկ ժամ փորձում էին երակ գտնել», — ասվում է հրապարակման մեջ։
Նշվում է, որ դատապարտյալի փաստաբանը հայտնել է, թե տեսել է, ինչպես իր պաշտպանյալը կծկվում և հառաչում էր՝ տեղի ունեցողը անվանելով «սարսափելի տեսարան»։
Daily Star թերթը մայիսի 20-ին հայտնել էր, որ ԱՄՆ-ում չեղարկել են Օկլահոմա նահանգի բնակիչ Ռիչարդ Գլոսսիպի մահապատիժը, ով 29 տարի անցկացրել էր ճաղերի հետևում և երեք անգամ խուսափել էր մահապատժից։ Պարբերականի տվյալներով՝ տղամարդուն ձերբակալել էին 1997 թվականի հունվարին՝ հյուրանոցատեր Բարրի Վան Թրիզի սպանությունը կազմակերպելու մեղադրանքով։ Պաշտպանական կողմը փորձում էր հասնել ազատ արձակման՝ պնդելով անհաջող կողոպուտի վարկածը։ Իշխանությունները ընդունել են դատախազության կոպիտ խախտումները․ մեղադրող կողմը թաքցրել էր կատարող Ջասթին Սնիդի հոգեկան խնդիրները, ոչնչացրել էր ապացույցները և չէր ներկայացրել Գլոսսիպի օգտին տրված վկայությունները։
