Google Maps-ը հայկական Տիգրանաշենը փոխել է ադրբեջանական անունով և ցույց է տալիս որպես Ադրբեջան․ սա դեռ նախընտրական շրջան է, պատկերացրեք ինչ է լինելու ՔՊ-ի վերարտադրվելուց հետո։ Այս մասին ֆեյսբուքյան էջում գրել է «Հայաստան» խմբակցության պատգամավոր Քրիստինե Վարդանյանը:
«Google Maps-ը հայկական Տիգրանաշենը փոխել է ադրբեջանական անունով և ցույց է տալիս որպես Ադրբեջան:
Եթե լավ չպատկերացրեցիք` ՀՀ Արարատի մարզի տարածը Google-ը ճանաչում է որպես Ադրբեջան:
Ու սա կարող է փոփոխված լինել միայն համապատասխան պետական կառույցներից ստացված տվյալների արդյունքում:
Դե եթե ունես «ղեկավար» ով հայկական գյուղերն անվանում է ադրբեջանական անունով, ուրեմն այդ պայմանավորվածություններն արդեն կան, ուղղակի հասարակությանը չեն ասում, որ քվե չկորցնեն ու էլի փաստի առաջ կանգնեցնեն ու ասեն, եթե չտանք պատերազմ կլինի:
Ու սա դեռ նախընտրական շրջան է, պատկերացրեք ինչ է լինելու քպ վերարտադրվելուց հետո:
Իսկ իրականում նոր տարածք չհանձնելու ճանպարհն իշխանափոխությունն է»,- գրել է Վարդանյանը։
