Վաշինգտոնը չի նախատեսում մեղմացնել Թեհրանի նկատմամբ պատժամիջոցները մինչև երկկողմ գործարքի կնքումը։ Այս մասին հայտարարել է ԱՄՆ նախագահ Դոնալդ Թրամփը։
«Ես ոչ մի զիջման չեմ գնա, քանի դեռ նրանք համաձայնագիր չեն ստորագրել»,- ասել է նա լրագրողներին Վաշինգտոնի մերձակայքում գտնվող Էնդրյուս ավիաբազայում։
«Ո՛չ, մենք ոչինչ չենք առաջարկել»,- հավելել է Թրամփը։
Հիշեցնենք, որ մայիսի 18-ին Tasnim գործակալությունը, հղում անելով իր աղբյուրին, հայտնել էր, որ ԱՄՆ-ը համաձայնել է Իրանի հետ բանակցությունների ժամանակահատվածում կասեցնել իրանական նավթի դեմ պատժամիջոցների գործողությունը։
