ԱՄՆ նախագահ Դոնալդ Թրամփն ուրբաթ հայտարարել է, որ շփումներ է ունեցել Հյուսիսային Կորեայի առաջնորդ Կիմ Չեն Ընի հետ, և իրենց հարաբերությունները բնութագրել է որպես «շատ լավ». հայտնում է CNN-ը:
«Գիտեք, ես շատ լավ հարաբերություններ ունեմ Կիմ Չեն Ընի հետ, բավականին հանգիստ»,- ասել է Թրամփը լրագրողներին նախագահական ինքնաթիռում՝ Չինաստանից վերադառնալիս։
Հարցին, թե արդյոք շփվե՞լ է նրա հետ, Թրամփը պատասխանել է. «Այո՛»։
«Էական չէ, ես ձեզ դրա մասին չեմ պատմի»,- ասել է Թրամփը, երբ հարցրել են, թե քանի անգամ են նրանք բանակցություններ անցկացրել։ «Նա հարգանքով է վերաբերվել մեր երկրին։ Ես ուզում եմ, որ նա հարգալից լինի։ Նա հարգանքով է վերաբերվել մեր երկրին»,- հավելել է ԱՄՆ նախագահը։
Թրամփը նաև հայտնել է լրագրողներին, որ Պեկին իր այցի ընթացքում Չինաստանի նախագահ Սի Ծինփինի հետ քննարկել է Հյուսիսային Կորեայի հարցը։
