«Հանրապետություն» կուսակցության նախագահ Արամ Սարգսյանը Հայաստանի զարգացումը տեսնում է տնտեսության զարգացմամբ, անվտանգությունը՝ բանակի հզորացմամբ, իսկ բանակի հզորացումը՝ լավ սպառազինություն գնելու մեջ։
«Հայ զինվորից խիզախ, նվիրված հայրենասեր զինվոր չկա։ Հայ զինվորին պակասում է ժամանակակից, վեցերորդ սերնդի ուժեղ սպառազինությունը»,- «Արմենպրես»-ի հաղորդմամբ՝ Սյունիքում քարոզարշավային բակային հանդիպման ընթացքում ասել է կուսակցության ղեկավար Արամ Սարգսյանը։
«Հանրապետություն» կուսակցությունը մայիսի 14-ին քարոզարշավ է անցկացնում Երևանի Ավան և Աջափնյակ վարչական շրջաններում։
