ԱՄՆ նախագահ Դոնալդ Թրամփը, Իրանի դեմ գրոհի ֆոնին, հեռախոսազրույց է ունեցել Մեծ Բրիտանիայի, Քուվեյթի եւ Թուրքիայի ղեկավարների հետ։ Այս մասին տեղեկացրել է Սպիտակ տան մամուլի քարտուղար Քերոլայն Լիվիթը։
«Նախագահ Թրամփը հենց նոր հեռախոսազրույց ունեցավ Մեծ Բրիտանիայի, Քուվեյթի եւ Թուրքիայի ղեկավարների հետ»,- գրել է նա X սոցցանցում։
Իսրայելը Իրանին հարվածել է փետրվարի 28-ի առավոտյան։ ԱՄՆ նախագահ Դոնալդ Թրամփը եւս հայտնել է Իրանի դեմ ԱՄՆ ռազմական գործողություն սկսելու մասին։ Խոցվել են ռազմական օբյեկտներ Իրանի արեւմուտքում, երկրի գերագույն առաջնորդ, այաթոլա Ալի Խամենեիի նստավայրը, ինչպես նաեւ Մինաբ քաղաքի տարրական դպրոցը։
