Ես ոչ մի ցուցակում չեմ լինելու։ Այս մասին NEWS.am-ի հետ զրույցում ասաց ԱԺ պատգամավոր Գեղամ Նազարյանը, որը դուրս է եկել «Հայաստան» խմբակցությունից։
Հստակեցմանը, թե մտադիր չէ՞ նորից պատգամավոր դառնալ, Նազարյանը պատասխանեց. «Չեմ լինելու նաև հաջորդ խորհրդարանում»։
Նշենք, որ Գեղամ Նազարյանը պատգամավոր է ընտրվել «Հայաստան» դաշինքի ցուցակով, սակայն որոշ ժամանակ անց հեռացել է խմբակցությունից և մի շարք հարցերում պաշտպանել իշխանությունների տեսակետները։
Մամուլում տեղեկություններ էին շրջանառվում, որ նա կարող է հայտնվել ՔՊ ցուցակում, սակայն ինքը Նազարյանը բազմիցս հերքել է այդ տեղեկությունները։
