Հոկտեմբերի 22-ին վրաերթ է տեղի ունեցել Երևանում։
Ժամը 07։50-ի սահմաններում Արտաշատի խճուղում Վայոց ձորի մարզի բնակիչ 43-ամյա Վարդան Մ․-ն իր վարած «Toyota» մակնիշի ավտոմեքենայով վրաերթի է ենթարկել փողոցը արգելված հատվածով հատող՝ ազգությամբ հնդիկ հետիոտնի։
Shamshyan.com-ի հաղորդմամբ՝ վարորդը փախուստի չի դիմել, ահազանգել է շտապօգնություն, և օպերատիվորեն ժամանած շտապօգնության բժիշկների հերթապահ խումբը վրաերթի ենթարկվածին նախ տեղում առաջին բուժօգնություն է ցուցաբերել, ապա տեղափոխել «Էրեբունի» բժշկական կենտրոն։
Վարորդը ենթարկվել է սթափության փորձաքննության և եղել է սթափ։
