Չեմ կարող և չեմ ուզում մեկնաբանել Ադրբեջան-Թուրքիա հարաբերությունները, որովհետև դրանք այդ երկու երկրների գործն են, ճեպազրույցի ընթացքում ասաց Նիկոլ Փաշինյանը։
«Մենք ունենք մեր հարաբերությունները Ադրբեջանի, Թուրքիայի հետ, և, ինչպես ասացի, աշխատելու ենք այդ ուղղությամբ»-ասաց նա։
Հիշեցնենք՝ Ադրբեջանի դպրոցներում հիջաբի արգելքից հետո Ադրբեջան-Թուրքիա հարաբերություններում լարվածություն է առաջացել։
Թուրքիայի իշխող կուսակցության ներկայացուցիչներն ու Էրդողանի խորհրդականներից մեկը քննադատել են այդ քաղաքականությունը՝ այն դիտարկելով որպես կրոնական իրավունքների սահմանափակում։
Բաքուն կտրուկ հակադարձել է՝ հայտարարելով, որ Թուրքիան չպետք է միջամտի Ադրբեջանի ներքին գործերին։
