Սլովակիան և Ադրբեջանը ականանետների մատակարարման պայմանագիր են կնքել, հաղորդում են Սլովակիայի լրատվամիջոցները։
Պայմանագիրը ստորագրվել է Սաուդյան Արաբիայի մայրաքաղաք Էր Ռիադում ընթացող Համաշխարհային պաշտպանության (World Defense Show) ցուցահանդեսի ժամանակ։
Ըստ գործարքի՝ Ադրբեջանը 210 միլիոն եվրոյի ընդհանուր արժողությամբ սլովակական պետական զենք արտադրող ZŤS Spéciál ընկերության արտադրած SAM-120 ավտոմատ ականանետներ կգնի։
Սլովակիայի պաշտպանության նախարար Ռոբերտ Կալինյակը հայտնել է, որ համաձայնեցվել է մատակարարումների առաջին խմբաքանակը, որը ներառում է 96 ականանետ։ Պայմանագիրը ներառում է մոտ 300 միավոր զենքի գնում։
Վահոմի ափի Դուբնիցա քաղաքի զենքի գործարանում ականանետների արտադրությունը նախատեսվում է սկսել պայմանագրի ստորագրումից անմիջապես հետո։
