Ուտե՞լ աղի բլիթ, թե՞ չուտել. Մայր Աթոռի Քրիստոնեական դաստիարակության կենտրոնի տնօրեն Հոգեշնորհ Տ. Զաքարիա ծայրագույն վարդապետ Բաղումյանը ներկայացնում է՝ Հայոց եկեղեցում աղի բլիթի օրհնության ծիսակարգ չկա։
Հայր Սուրբը նշում է՝ այս ավանդույթը Սուրբ Սարգսի տոնի ժողովրդական սովորույթներից է, ուստի՝ դրա մեջ աստվածաբանական խորը իմաստ կամ հոգևոր նշանակություն փնտրելը պարապ զբաղմունք է։
Հայր Զաքարիան խորհուրդ է տալիս գնալ Սուրբ Սարգիս անունը կրող եկեղեցի, մասնակցել պատարագի ու օրհնություն ստանալ։
«Սիրեք ու սիրված եղեք»,- հավելել է Հայր Սուրբը։
